§ 107

Причастия ближайшего действия

Причастия ближайшего действия имеют значение действия, которое скоро совершится.

Причастия ближайшего действия образуются при помощи суффикса -лтак, -лтэк, -лток.

В предложении причастие ближайшего действия служит сказуемым и определением. Будучи сказуемым, оно употребляется обычно со связкой.

Нуӈан толгокит эмэлтэк бисин. Он на нартах скоро приедет. Иргичил элэ эмэлтэкил биси. Волки сюда вот-вот придут.

Упражнение 59

а) Спишите текст. Подчеркните причастия ближайшего действия.

1. Би дэрунэдукви, деммулнэдукви-дэ аран ӈэнэдечэв, халгарви аран угирдечэв, бурултэк бичэв. 2. Мо, агдыт сегивча, бурултэк бичэн. 3. Энинми эмэлтэк бичэн, би-кэ девдэн эчин ирирэ бичэв. 4. Орококунми хуктылтэк. 5. Миндук эрил книгалва гил татчарил галтакил бичэтын. 6. Дэгилтэк хороки умнэт эда-вал модук хутаканӈачин бурурэн, тар нуӈанман акинми, би пэктырэлтэквэв дюлэмэнэ, варэн.

б) Придумайте и напишите предложения, в которых были бы следующие причастия ближайшего действия:

эмэлтэк, бакалтакил, сурултэк, хуктылтэк, дукултак, туксалтак, ӈэнэлтэк.

Упражнение 60

Прочтите текст. Выпишите из текста все причастия и определите, какие это причастия.

1. Амарду гарал капунадяритын, мурир лигирилтын, илэл улгучэмэчинтын долдывдяра. 2. Этыркэн этэчэн улгучэндеми. Куӈакарду улгур манавнан эвлэпчу оран. Нуӈартын ханӈуктала: — «ӈи синду углучэнэн?» Этыркэн инесинэн: «ӈи улгучэнэн? Тэгэ Чапаевдули улгучэндерэн. Би-кэ он савка бичэв, туги-дэ сунду улгучэним». 3. Нуӈан тогогочинду муринду дэгигэчин дэгдевки, сунин элэ эдынду эдынмудевки. Мэӈумэт саблят арпуливки. «Гиркил, муннун!» — тэпкэливки. 4. Чапаевцыл хималдула Урал угэлдулэн ичэсинми, тыллэ: дэручэл гоёвуннивчал кусимнил бирава эдеӈэтын дагра, казакил пулялдуктын эдеӈэтын сурурэ. 5. Чапаевнун даран тысадярилдук умун кусимни вавча бичэн. Угу дага бичэн. Чулама чука угуду качунадячан… Тар-ты тэлимэмэ пуля дылдун нарэн… Чапаевнун ӈэнэлдыдери, нуӈаннунин даран Уралдули тысадяри ге кусимни индери эмэнмурэн. 6. Тыматнэ бу орорво этэетчэринун эвэнкил уринчэдерилэтын ӈэнэсинчэвун. Муннун колхоз хэгдыгун сурумэчин бичэн. Нуӈан нян мунэ ӈэнэвмэчин бичэн. 7. Урикитту городтук эмэдеӈэлвэ илэлвэ горово алатчэчатын. Нуӈартын эмэлтэкил бичэтын. 8. Бу музейду советскаилди художникилди овувчавлэ картиналва, сомат аявдянал, ичэтыктэдечэвун. 9. Боло упкат куӈакар алагувуливкил. 10. Тынивэ би агиду мотыткан хуктыдеривэн ичэчэв. 11. Асаткан ӈэлэлнэ соӈолток бичэн. 12. Эси тырга дюлави он-да мучувка. 13. Тар гунмувкэвэ он-да албам дукудями. 14. Би комнатала ирэкив, асаткар адегсар бирэ. 15. Бу дяврадярива бэевэ эрирэв. 16. Асаткан тыннэви оронмо удяран. 17. Акинми бэюн хуктыдеривэн долдыран. Умунтын амуттыки хуктычэ. Дюдуви бу бэюрвэ удяктанавар улгучэндечэвун. 18. Тугэдерэкин, дэгил дэгилчэл бивкил. 19. Дюгаракин, матал толгокила омачир бичэтын. 20. Гиркив со савка бэюлэн бичэн. 21. Ирэктэ дагадун илитчари багдака мунэ амталчан (мэдэлчэн). Бу пэктыруллэв, багдакаӈилвун хуктыллэ. Удялдянал, буручэвэ багдакава бакарав. Он-ка би навканнави эчэв садерэ! Ге нян бурудеӈэ бидеӈэн.

Упражнение 61

Выпишите все причастия, встретившиеся в тексте, в именительном падеже.

Илмакта игдяма ӈинакин, дэрэтви сулакива урэри, хивипчут этэлуденэ, хуктыктэдечэн. Хадун нуӈан илиӈкин, тадук, буниденэ, гетыкирви доӈоточолво маналви угирдечэн. Нуӈан аят дёнчадячан он тырганиӈин ӈэнэнэвэн, он нуӈан элэ эмэнэви. Нуӈан хунӈин столяр авунми тэтчэн, экунма-вал, хуламаду платканду чакиливчавэ, огонидуви нэксэ, тэпкэсинчэн: «Каштанка, суругэт!» Гэрбиви дюлдыкса, ӈинакин стол хэргидэдукин ирэпчинэлду аденадукви ючэн, тадук хунӈиви амардукин хуктылчэн. Хунӈин овкандерилин сот гороло бидечэтын, тарит столяр трактирдула окира-да сигилудяӈа бичэн, умисиндави-да, девусиндэви-дэ. Каштанка, ӈэнэденэ, сот эрут мэнми дявучадяриви дёнчадячан. Умнэ хунӈин, сот тыкулча бинэ, сулакидыва сенман колтодуви дявакса, арпуллан, тадук тыкупчут аракукан дудунэрэн. Умнэт музыка эвиллэн. Каштанка эчэсинэн, тадук нуӈантыкин солдатыл полкатын эмэдеривэн ичэрэн. Музыкава, окин-да нуӈанман хивиннивкива, эдеӈэдукви маӈичара нуӈан хуктыллэн, тадук бунилэн. Нуӈан содун дивэдун столяр ӈэлэлдеӈэдукви, чеӈалдеӈадукви, гоголдёӈодукви, сот инесинэн.

§ 108. Отрицательные формы причастий →
Авторы

Елена Лебедева

Ольга Константинова

Поделиться