§ 156

Наречия отношения

Наречия отношения следующие: туги — так, он — как. Наречие он чаще употребляется как вопрос к наречиям качества, но, наряду с этим, оно употребляется и в значении наречия отношения.

Нуӈан дукучан он тугэ улуминэви. Он написал, как зимой охотился на белку.

В этом предложении он как не выражает вопроса, а служит наречием, которое, в отличие от наречий качества, не выражает качества действия, качество действия раскрывается в этом случае в следующих предложениях. Такого же значения другое наречие отношения — туги так.

Этыркэн туги улгучэллэн. Старик так начал рассказывать. Туги оксал, бу сурурэв. Сделав так, мы ушли.

Упражнение 110

Укажите наречия, определите, к какому разряду они относятся.

1. Тыкин Сибирьду колхозникил яблонялва балдывканивкил. 2. Умнэ би амаканунми эеки ирэмэсинчэв, умнэт эдыллэн, агдыллан. Тэли би, ӈэлэтчэнэ, эрилим. 3. Бэюсчэрил элэкэс тэпкэллэ, тадук этэрэ часки асактадями. 4. Би тулиски юм, гиркив нян тулиски юрэн. 5. Бу, аямамат хавалилдыдянал, тыгдэлдэлэн хававэр этэрэв. 6. Неӈне бу огородту аят хавалдячавун. Сируласани оран. Тэли огородтук овощилва тавуллав. Тугэ дептылэл кэтэмэмэ бидеӈэтын. 7. Акинми долболтоно олломоткиттук мучучан. 8. Долболтоно куӈакар дюдувун умунуптэ. 9. Би угучакви тыним. Тариӈив, эӈтыденэ, ӈуӈнэмэмэт сурурэн. Би, эдэви бурурэ, аямамат угучадяӈнам. Умнэт угучакив экундук-вал ӈэлэлчэ, сомамат сурурэн. 10. Пэктырэвунми тэвулим. Сот хактыраллан, улукиӈив аран-аран ичэвдерэн. Пэктырэним, урам. Гевум пэктырэним, нян урам. Туги би дяра пэктырэнчэв. Эдын сотмарит эдыллэн, тариӈив хэргиски чинмэнэн, тэли би улукивэ вам, ӈэнэденэ, нян дюрвэ вам. 11. Эчэв сарэ илэ-дэ сурудэви, элэ-тала хуктывуктэлим. 12. Эвилэсэ бу кэтэвэ мотылва варэв. 13. Боло агиду со хактырапчу бивки. 14. Эр даркинду он-да орорин часки албалла ӈэнэдеми. 15. Унэ тыматнэ ӈинакирвун дылэ сот гогодёвкил. 16. Неӈне бира сот мудэвки. 17. Мундулэ маталвун ирбэлэсэ эмэчэтын. 18. Боло, оллол бирава сололлоктын, эвэнкил талинал, соловкил. Долболтоно эеки дявраксал, талинал, соловкил дюмактувар. 19. Аят овча олочи горово тэтывчэвувки. 20. Бэюн, минэвэ ичэксэ, антыкив хэтэкэнэн. Би, химат чоконикса, гарпам. 21. Учэлэ эр бираяканду минӈи амакав, аминми аминин бидечэн. 22. Амакан эду таткичил, аиткичил, клубил одяӈатын. 23. Мундук солоки олломимнил бидерэ, эдилэ амакав омолгинунми бэюмидерэн. 24. Тыӈариӈа би акиннунми Москваду бичэв.

Упражнение 111

Выпишите из текста наречия отдельно по разрядам.

1. Дюга би лагерьду дэрумкидечэв. Лагерьду мунэвэ сот аят бивкэндечэтын. Тыматнэ бу химат тэгэӈнэрэв, тулиски туксасиӈнарав, авуӈнарав, депиӈнэрэв. Тадук упкат бинэл бирава солоки, эеки суруӈнэрэв. Урэвэ дыски туктыӈнэрэв, хэргиски ичэчинӈэрэв: городу хавалдярил илэл ичэвувкил, дегинӈилэ урэл, анӈила гулэсэг. 2. Хороки аракуканди дун-нэдук дэгилилчэн. 3. Олломимни аран-аран эчэн оллово му дяпкадун алдара. 4. Бу илитчарива бэевэ ичэрэв, дарила муринин оӈкодёчон. 5. Химат, бэркэт хаваликса, аят дэрумкикэл. 6. Аяпчут овча — манни бивки. 7. Тар мова эӈэсимэмэт танми, аталдяӈат. 8. Дюга мунду со ая бивки. Бугадувун кэтэ диктэл, дэгинӈэктэл балдывкил. 9. Гиркив окин-да эрувэ этэн ора. 10. Куӈакар дяпкадук ӈески химат туксара, му дагамаклан. 11. Бэюмимни тулиски юрэн, угиски ичэсинэн, тадук бирава солоки ӈэнэсинэн. 12. Учэлэ илэл умукэнду дюду кэтэлди бидеӈкитын, дюдутын тыё бичэн. 13. Аят бимуми, бикэл туги: энэ энэллэ хавалдяӈнакал, эӈнэкэл хавави эрут ора. 14. Эр орон мундулэ солигит эмэчэн. 15. Бу ӈела бидечэвун.

Вопросы для повторения

Каковы признаки наречий?

На какие разряды делятся наречия?

§ 157. Послелоги →